ٹکٹ تقسیم سے ناراض ایس پی کارکنوں نے اکھلیش کا پتلہ نذر آتش کیا

گونڈہ: اترپردیش اسمبلی انتخابات کے دوران گونڈہ اور قیصر گنج اسمبلی حلقوں میں ٹکٹ تقسیم سے ناراض پارٹی کے ہزاروں کارکنوں نے اتوار کو سماج وادی پارٹی(ایس پی)فاونڈر ملائم سنگھ یادو اور پارٹی صدراکھلیش یادو کا پتلہ نذر آتش کر کے اپنی مخالفت درج کرائی۔

سردار پٹیل سیوا سنستھان کی مین ٹرسٹی کملیش نرنجن کو ایس پی کا ٹکٹ دئیے جانے کے مطالبے کے ساتھ کرمی سماج کے لوگوں نے ادارے کی عمارت کے سامنے اکھلیش کا پتلہ نذر آتش کیا اور الیکشن میں دیوی پاٹن ڈویژن کی سبھی سیٹوں پر ایس پی کے بائیکاٹ کا انتباہ دیا۔

دوسری طرف قیصر گنج اسمبلی حلقے سے پہلے اعلان کئے گئے امیدوار مسعود عالم خان کا ٹکٹ کٹنے سے مشتعل مسلم سماج کے پارٹی کارکنوں نے اکھلیش اوراب بنائے گئے امیدوار آنند یادو کا پتلہ نذرآتش کر کے مسعود کا ٹکٹ بحال کرنے کی نعرے بازی کر تے ہوئے مطالبہ کیا۔