تائیوان کی صدر چین کی تنبیہ کے باوجود نیویارک پہنچ گئیں

نیویارک :تائیوان کی صدر چین کی تنبیہ کے باوجود نیویارک پہنچ گئیں، صدرسائی انگ ہفتے تک نیویارک میں رہیں گی اورلاس اینجلس بھی جائیں گی۔

غیرملکی میڈیا رپورٹس کے مطابق انہوں نے ائیرپورٹ پرمیڈیا سے گفتگو کرتے ہوئے کہا کہ عالمی سطح پرتعلقات بڑھانے کے عزم میں بیرونی دبا رکاوٹ نہیں بنے گا۔

توقع ہے کہ وہ کیلیفورنیا میں اسپیکرایوان نمائندگان میک کارتھی سے ملیں گی۔جس کی سرکاری طورپرتصدیق نہیں ہوئی۔چین نے کہا کہ سائی انگ اورمیک کارتھی ملاقات ایک اوراشتعال انگیزی ہوگی۔جو ون چائنا اصول کی خلاف ورزی ہے۔