طالبان نے اقوام متحدہ کیلئے کام کرنے والے صحافیوں کو رہا کردیا

افغانستان کے نائب وزیر اطلاعات ذبیح اللّٰہ مجاہد کا کہنا ہے کہ اقوام متحدہ کیلئے کام کرنے والے 2 غیرملکی صحافیوں کو رہا کردیا ہے۔کابل سے جاری بیان میں ذبیح اللّٰہ مجاہد نے کہا کہ صحافیوں کیساتھ کام کرنے والے دیگر افغان شہری بھی رہا کردیے ہیں۔انہوں نے کہا کہ غیرملکی صحافیوں کو شناختی کارڈ اور اجازت نامے نہ ہونے پر گرفتار کیا گیا تھا۔دوسری جانب اقوام متحدہ کے ادارے یو این ایچ سی آر نے بھی 2 غیرملکی صحافیوں کی رہائی کی تصدیق کی ہے۔

File Photo

یو این ایچ سی آر کا کہنا ہے کہ صحافیوں، دیگر افغان شہریوں کی رہائی پر اطمینان ہوا ہے، افغان عوام کی مدد کیلئے پرعزم ہیں۔

خیال رہے کہ گزشتہ روز اقوام متحدہ کیلئے کام کرنے والے دو غیرملکی صحافیوں کو کابل میں گرفتار میں لیا گیا تھا۔