انقرہ: شام اور ترکیہ کی سرحد پر ایک بار پر زلزلے کے شدید جھٹکے محسوس کیے گئے، جس کی شدت کے باعث نقصانات کا خدشہ ظاہر کیا جا رہا ہے۔بین الاقوامی خبر رساں اداروں کے مطابق جنوبی ترکیہ میں مقامی وقت کے مطابق 8.04 بجے 6.4 شدت کے زلزلے محسوس کیے گئے جب کہ یہ علاقے پہلے ہی رواں ماہ کے آغاز میں تباہ کن زلزلوں سے متاثر ہوئے تھے۔
ابتدائی اطلاعات کے مطابق شام اور ترکیہ کے سرحدی علاقوں میں زلزلہ کی شدت 6.4 ریکارڈ کی گئی ہے۔ اس سلسلے میں سماجی رابطوں کی ویب سائٹس پر وائرل ہونے والی وڈیوز میں دیکھا گیا ہے کہ حاطے صوبے میں عمارتیں اور بجلی کے کھمبے جھول رہے ہیں۔ ترکیہ اور شام کے علاوہ زلزلے کےجھٹکے مصر اور لبنان میں بھی محسوس کیے گئے۔
