دیوریا میں خوفناک سڑک حادثہ، تین کی موت، چار زخمی

 دیوریا، 31 اگست (یو این آئی) اتر پردیش میں دیوریا ضلع کے گوری بازار علاقے میں ایک خوفناک سڑک حادثے میں تین لوگوں کی موت ہو گئی اور چار زخمی ہو گئے۔

ایڈیشنل پولیس سپرنٹنڈنٹ دیپندر چودھری نے یہاں بتایا کہ جمعہ کی رات گوری بازار علاقہ میں دیوریا گورکھپور روڈ پر غلط سمت سے آ رہی ایک پک اپ گاڑی پوکھر بھنڈا گاؤں کے قریب ایک بائک کو کچلنے کے بعد بے قابو ہوکر دوسری بائک کو  ٹکر ماردی ۔ اس حادثے میں تین افراد رتنیش (24)، ساحل (17) اور دلیپ (24) کی موت ہوگئی۔ انہوں نے بتایا کہ اس واقعہ میں چار لوگ راجو، رتنیش یادو، انکت جیسوال اور راجیش جیسوال زخمی ہوئے ہیں۔ جنہیں میڈیکل کالج میں داخل کرایا گیا ہے۔ زخمیوں میں سے دو کی حالت تشویشناک ہے۔