بیاٹ کے مار سے زخمی اے ایم یو طالب کی حالت تشویش ناک

 شوبت نے مبینہ حسن پر یونیورسٹی کے اندر بیاٹ سے حملہ کیاتھا جس کی وجہہ سے اس کے سر پر شدیدچوٹ لگی ہے۔دوستوں اور یونیورسٹی حکام نے حسن کو اے ایم یو میڈیکل کالج علاج کے لئے لے کر گئے تھے۔

علی گڑھ۔علی گڑھ مسلم یونیورسٹی (اے ایم یو) میں ایک کرکٹ میاچ کے دوران معمولی نوک جھونک کے بعد ایک کشمیری طالب علم برائے ٹی ٹیک سیول اپنے ساتھی کے بیاٹ سے سر پر حملے کی وجہہ سے زخمی ہوگیا ہے۔

متاثرہ کی شناخت سجادحسین کی حیثیت سے ہوئی ہے جبکہ ملزم کی پہنچان بی ٹیک الکٹرک سال دوم کے طالب علم شوبیت سنگھ کے طور پر ہوئی ہے۔شوبت نے مبینہ حسن پر یونیورسٹی کے اندر بیاٹ سے حملہ کیاتھا جس کی وجہہ سے اس کے سر پر شدیدچوٹ لگی ہے۔

دوستوں اور یونیورسٹی حکام نے حسن کو اے ایم یو میڈیکل کالج علاج کے لئے لے کر گئے تھے۔ایس ایچ او سیول لائنس پولیس اسٹیشن پرویش رانا نے کہاکہ “متاثرہ کی شکایت پر ہم نے ائی پی سی کی دفعہ 307(اقدام قتل) کے تحت ایک مقدمہ درج کرلیاہے۔

اس کو گرفتار کرکے جیل بھیج دیاگیا ہے اور اس معاملے میں تفتیش کی جارہی ہے”۔

دریں اثناء یونیورسٹی کے ایک عہدیدار نے کہاکہ حسن ائی سی یو میں جہاں اس کی حالت بہت خراب ہے۔

اہلکار نے کہاکہ طلبہ نے حملہ آور کی فوری گرفتار کا مطالبہ کیا اور واقعہ کے بعد کیمپس کی صد سالہ گیٹ کو بلاک کردیا۔

تاہم اے ایم یو ڈپٹی پروکٹر سعید علی نواز زیدی نے کہاکہ طلبہ کو احتجاج سے دستبرداری کے لئے راضی کیاگیاہے۔

انہوں نے کہاکہ سنگھ کو فوری طور پر معطل کردیاگیاہے اوریونیورسٹی کیمپس میں ان کے داخلہ پر پابندی عائد کردی ہے’ مزید تحقیقات زیر التواء ہے۔