بریلی:اترپردیش میں بریلی کے شیرگڑھ علاقے میں بدمعاشوں نے اناج بیچ کر گھر جارہے کسان سے ایک لاکھ 24ہزار روپے لوٹ لئے اور فرار ہوگئے ۔پولیس ذرائع نے آج یہاں بتایا کہ بجریا جاگر کے رہنے والے کسان ایوب اپنے بھانجے میکائل کے ساتھ بیر پور بازار اناج بیچنے گیا تھا۔
ایوب دھان بیچنے کے بعد کل رات اپنے بھانجے کے ساتھ واپس گھر جارہا تھا۔راستے میں موٹرسائکل سوار تین بدمعاشوں نے انہیں روک لیا اور ڈرا دھمکا کر ایک لاکھ 24ہزار روپے لوٹ کر فرار ہوگئے ۔اس سلسلے میں معاملہ درج کرا دیا گیا ہے ۔پولیس بدمعاشوں کی تلاش کررہی ہے ۔
