سوشانت کے لئے وقف کی جائے گی فلم پانی: شیکھر کپور

ممبئی 23 جولائی (یو این آئی) بالی وڈ کے مشہور فلمساز شیکھر کپور اپنی فلم ’پانی‘ آنجہانی اداکار سوشانت سنگھ راجپوت کو وقف کرنا چاہتے ہیں۔شیکھر کپور اپنی اہم فلم ’پانی‘ سوشانت سنگھ راجپوت کے ساتھ بنانا چاہتے تھے۔

سوشانت سنگھ فلم ‘پانی’ کو لے کر کافی پرجوش تھے اور انہوں نے اس کے لئے سخت محنت کی تھی۔
یہ سوشانت کا ڈریم پروجیکٹ تھا لیکن شیکھر کپور اور یش راج فلمز کے مابین کسی تنازعہ کے سبب یہ فلم رک گئی تھی۔

شیکھر کپور نے اپنی ٹویٹ میں لکھا ہے ’’اگر آپ خدا کے ساتھ کسی سفر میں شامل ہونا چاہتے ہیں تو آپ کو اپنے قدم پورے یقین کے ساتھ آگے بڑھانے ہونگے۔
خدا نے چاہا تو ’پانی‘ ایک دن ضرور بنے گی۔میں اس فلم کو سوشانت کے لئے وقف کروں گا۔
لیکن یہ فلم انہی لوگوں کے ساتھ بنائی جاسکتی ہے جو انسانیت دکھائے نہ کہ غرور‘‘َ۔