’ویرے دی ویڈنگ‘ کی ریلیز تاریخ سامنے آگئی

بولی وڈ فلم ’ویرے دی ویڈنگ‘ طویل عرصے سے خبروں میں موجود ہے، تاہم اب تک نہ تو فلم کا کوئی پوسٹر ریلیز کیا گیا تھا، اور نہ ہی اس کی ریلیز تاریخ کا اعلان کیا گیا۔

لیکن اب آخر کر اس فلم کے پوسٹرز بھی شیئر کردیے گئے جبکہ اس کی ریلیز تاریخ کا بھی اعلان کردیا گیا ہے اور یقیناً مداح اب اس فلم کا بےصبری سے انتظار کررہے ہوں گے۔

ششانکا گھوش کی ہدایات میں بننے والی فلم ’ویرے دی ویڈنگ‘ اگلے سال 18 مئی کو سینما گھروں میں پیش کی جائے گی۔

اس فلم کے آفیشل پوسٹرز کے ساتھ ریلیز تاریخ کا اعلان کیا گیا۔

فلم ’ویرے دی ویڈنگ‘ میں کرینہ کپور خان مرکزی کردار ادا کررہی ہیں جبکہ سونم کپور، سوارا بھاسکر اور شیکا تلسانی بھی اہم کرداروں میں نظر آئیں گی۔

فلم کے پہلے پوسٹر میں یہ تمام اداکارائیں ڈیزائنر ابو جانی سندیپ کھوسلا کے ڈیزائنر کردہ جوڑوں میں نظر آئیں، جہاں تین اداکارائیں کافی خوش ہیں، وہیں سوارا بھاسکر کافی غصے میں کھڑی ہیں۔