بیوی کو مار مار کر قتل کرنے والا شخص پکڑا گیا

لکھنؤ: مال پولیس نے گھریلو تنازع میں بیوی کو مار پیٹ کر قتل کرنے والے شوہر کو گرفتار کیا۔ متاثرہ 9 مئی سے نرسنگ ہوم میں داخل تھی جہاں جمعرات کواس کی موت ہو گئی۔انسپکٹر راجیش ترپاٹھی کے مطابق مسیدھا ہمیر کے رہنے والے مزدور کیلاش کو اس کے گھر کے قریب سے پکڑا گیا۔

9 مئی کو ملزم نے شراب کے نشے میں اپنی 25 سالہ بیوی جیوتی پر حملہ کر دیا۔ جیوتی سر پر چوٹ لگنے سے بے ہوش ہوگئی تھی اور اس کے گھر والوں نے اسے علاج کیلئے نرسنگ ہوم میں داخل کرایا تھا۔ جہاں جمعرات کو اس کی موت ہو گئی۔

انسپکٹر راجیش نے بتایا کہ جیوتی کی شکایت کی بنیاد پر کیلاش کے خلاف حملہ اور قاتلانہ حملے کا مقدمہ درج کیا گیا تھا۔ جمعرات کو ہوئی موت کے بعدغیر ارادتاً قتل کے جرم کی دفعہ میں اضافہ کرتے ہوئے ملزم شوہر کو گرفتار کر لیا گیا ہے۔

دوسری جانب بنتھرا علاقہ میں جمعرات دیر شام 40 سالہ خاتون کی اچانک طبیعت بگڑ گئی۔ آناًفافاً میں اسے سروجنی نگر کمیونٹی صحت مرکز پہنچایا گیا جہاں ڈاکٹروں نے اسے مردہ قرار دے دیا۔

بنتھرا علاقہ کے لونہا موضع واقع ماترتو چھایا آشرم میں لاوارث گھوم رہی ذہنی خواتین مریضوں کو رکھ کر ان کی دیکھ بھال کی جاتی ہے