اسرائیل میں ایک ماہ بعد کورونا وائرس کے سب سے زیادہ نئے کیسز

تل ابیب، 3 جون (ژنہوا) اسرائیل دنیا کے ان ممالک میں سے ہے جس نے عالمی وبا کورونا وائرس (كووڈ -19) پر بڑی حد تک قابو پا لیا ہے، لیکن اسرائیل میں گزشتہ 24 گھنٹوں کے دوران کورونا وائرس کے 116 نئے کیسز سامنے آئے ہیں۔ اس سے پہلے تقریبا ایک ماہ قبل یکم مئی کو کورونا وائرس کے 155 کیسز سامنے آئے تھے۔ اسرائیل کی وزارت صحت نے منگل کو یہ اطلاع دی۔

اسرائیل میں کوروناوائرس کے اب تک 17،285 کیسز کی تصدیق ہو چکی ہے۔ اس دوران پانچ مریضوں کی موت ہونے سے مرنے والوں کی تعداد بڑھ کر 287 ہو گئی ہے۔
ملک میں اس وقت کورونا وائرس کے 2،055 فعال مریض ہیں جن کا علاج کیا جا رہا ہے۔کورونا وائرس کے 106 مریض اسپتال میں داخل ہیں جن میں سے 28 مریضوں کی حالت نازک بتائی جارہی ہے. اسرائیل میں گزشتہ 24 گھنٹوں کے دوران کوروناوائرس سے ٹھیک ہونے والے 62 افراد کو اسپتال سے چھٹی دی گئی ہے۔ ملک میں اب تک 14،940 لوگ كووڈ -19 کی وبا سے مکمل طور ٹھیک ہو چکے ہیں.

اسرائیل کے وزیر صحت يولی ایڈلسٹين نے کہا کہ ملک میں کورونا وائرس ٹسٹنگ کی تعداد بڑھائی گی۔ اس میں غیر علامات والے مریضوں کی بھی جانچ کی جائے گی۔ اسرائیل آنے والے دنوں میں کورونا وائرس کی جانچ کی صلاحیت کودو ماہ میں 15 ہزار یومیہ سے بڑھا کر 30 ہزار کرے گا۔