کربلاعظیم اللہ خاں میں جلوس عزا کا پروگرام ملتوی

لکھنؤ: رسول اسلامؐ کے آٹھویں جانشیں حضرت امام رضا کی شہادت کی مناسبت سے ۲۳ذیقعدہ مطابق ۱۵؍جولائی کو راجہ جی پورم واقع کربلا عظیم اللہ خاں میں  برآمدہونےوالا شاہی جلوس عزاکا پروگرام کورونا وباکے سبب ملتوی کر دیاگیاہے ۔پروگرام کااہتمام انجمن گلدستہ امام رضاکی جانب سے کیاجاتا رہا ہے۔

انجمن کے سکریٹری مرتضیٰ حسین نے بتایاکہ سہ پہر چاربجے کربلا احاطہ میں مجلس عزامنعقدکی جاتی تھی اس کے بعدشہر کی ماتمی انجمنیں علم سجاکر کربلا احاطہ میں نوحہ خوانی وسینہ زنی کرتی تھیں۔ مسٹرحسین نے بتایا کہ کورونا وباکےمسلسل بڑھتے اثرات اور اس سلسلہ میں حکومت اور انتظامیہ کی جانب سے رہنما ہدایات پر عمل کرتے ہوئےمجلس اورجلوس عزا کا پروگرام ملتوی کردیاگیاہے۔

انہوں نےکہاکہ انجمن کی جانب سے عوام سے مہلک وباسے بچنے کیلئے بتائے گئے طریقوںپر عمل کرنے کی اپیل کرتے ہوئے وباکے جلد خاتمہ کی دعاکی گزارش کی ہے۔