آئی ایس ایل کی نئی ٹیم ایسٹ بنگال کو 2-0 سے شکست دی

گوا : ہیرو انڈین سپر لیگ (آئی ایس ایل) کے پہلے اور تاریخی کولکاتا ڈربی میں ، دفاعی چیمپیئن اے ٹی کے موہن بگان نے جمعہ کی شب اپنے مقابل حریف ایس سی ایسٹ بنگال کے خلاف ایک زبردست جیت درج کی۔

دنیا کے فٹ بال کے قدیم حریفوں میں سے ایک اور ہندوستانی فٹ بال کے سب سے بڑے اور اہم میچوں میں سے ایک ، اے ٹی کے موہن بگان نے کولکاتہ ڈربی میں واسکو ڈی گاما کے تلک میدان میں آئی ایس ایل کی نئی ٹیم ایسٹ بنگال کو 2-0 سے شکست دی۔ . اے ٹی کے موہن بگان کی طرف سے رائے کرشنا نے 49 ویں اور منویر سنگھ نے 85 ویں منٹ میں گول کیا۔ یہ ٹیم کی لگاتار دوسری جیت ہے۔ انہوں نے اپنے پہلے میچ میں کیرالہ بلاسٹرز کو شکست دی۔ اے ٹی کے موہن بگان اب دو میچوں میں چھ پوائنٹس کے ساتھ ٹیبل میں سب سے اوپر پہنچ گئے ہیں۔ میچ شروع ہونے سے پہلے دونوں ٹیموں کے کھلاڑیوں نے میدان میں ہندوستان کے دو فٹ بال کھلاڑیوں پی کے بنرجی اور چونی گوسوامی کو خراج تحسین پیش کیا اور ان کی یاد میں ایک منٹ کی خاموشی اختیار کی۔ اس سال کے شروع میں دونوں ہندوستانی ہونہاروں کی موت ہوگئی تھی۔