پاکستان میں اقتدار سے بے دخل کئے جانے کے خلاف پی ٹی آئی نے کئی شہروں میں مظاہرے کئے

اسلام آباد، 11 اپریل (یو این آئی) پاکستان تحریک انصاف (پی ٹی آئی) نے سابق وزیر اعظم اور پارٹی صدر عمران خان کی تحریک عدم اعتماد کے ذریعے اقتدار سے بے دخل کئے جانے کے خلاف اتوار کو ملک کے کئی شہروں میں ریلیاں نکال کر مظاہرے کئے ۔

یہ رپورٹ ڈان اخبار نے پیر کے روز دی ہے۔ڈان کی رپورٹ کے مطابق پی ٹی آئی کے کارکنان نے کراچی، پشاور، ملکند، ملتان، خانیوال، خیبر، جھانگ، کوئٹہ، اوکارہ، اسلام آباد، لاہور اور ایبٹ آباد جیسے شہروں میں بڑے پیمانے پر مظاہرے کئے۔ اس کے ساتھ ہی باجور، لوئر دیر، شانگلہ، کوہستان، مانسہرہ، سوات، گجرات، فیصل آباد، نوشہرہ، ڈیرہ غازی خان اور منڈی بہاؤالدین میں بھی احتجاجی مظاہرے ہوئے۔

Protests in Bajaur, KP #امپورٹڈ_حکومت_نامنظور#عمران_خان_نہیں_جھکا#ImranKhan pic.twitter.com/Ys7FDjCOCL

— PTI (@PTIofficial) April 10, 2022

قبل ازیں مسٹر خان نے ٹویٹ کیا تھا کہ آج “اقتدار کو تبدیل کرنے کی غیر ملکی سازش” کے خلاف ’’جدوجہ آزادی‘‘ کی شروعات ہو رہی ہے۔ اپنے حامیوں کی حوصلہ افزائی کرتے ہوئے انہوں نے کہا ’’ لوگ ہی ہمیشہ اپنی حاکمیت اور جمہوریت کا دفاع کرتے ہیں‘‘۔

پی ٹی آئی کے ترجمان فواد چوہدری نے بھی دن میں اسلام آباد میں میڈیا سے گفتگو کرتے ہوئے لوگوں سے عشاء کی نماز کے بعد احتجاج کرنے کی اپیل کی۔ انہوں نے کہا کہ مسٹر خان کا ایک بڑی تحریک کی قیادت نہ کرنا ’’ملک کی سیاست اور آئین کے ساتھ دھوکہ‘‘ ہوگا۔
اس کے بعد پارٹی نے احتجاج کا خاکہ جاری کیا۔ پارٹی رات 0930 بجے سے ملک کے تمام شہروں میں احتجاج شروع کرنے کا ارادہ رکھتی ہے۔