دبئی کے حکمران نے بھی ٹک ٹاک اکاؤنٹ بنالیا

متحدہ عرب امارات کے نائب صدر اور دبئی کے حکمران شیخ محمد بن راشد المکتوم نے معروف ویڈیو شیئرنگ ایپلی کیشن ٹک ٹاک پر آفیشل اکاؤنٹ بنالیا۔

شیخ محمد بن راشد المکتوم نے باضابطہ طور پر ویڈیو شیئرنگ ایپ ٹک ٹاک جوائن کرنے کا اعلان بھی کیا۔

I officially joined TikTok, the fastest growing platform with more than 800 million users. We want to be where people are. We want to create positive Arabic content and we want to listen to young people and share our stories with them. https://t.co/O3SArpFwnr

— HH Sheikh Mohammed (@HHShkMohd) December 19, 2020

سماجی رابطے کی ویب سائٹ ٹوئٹر پر جاری ٹوئٹ میں شیخ محمد بن راشدالمکتوم نے کہا کہ ‘ میں نے باضابطہ طور پر ٹک ٹاک جوائن کرلی، جو تیزی سے بڑھتا ہوا پلیٹ فارم ہے جس کے 80 کروڑ سے زائد صارفین ہیں’۔

انہوں نے کہا کہ ‘ہم وہاں ہونا چاہتے ہیں جہاں لوگ ہوں، ہم مثبت عرب مواد تخلیق کرنا، نوجوانون کو سننا اور ان سے اپنی کہانیاں شیئر کرنا چاہتے ہیں۔