مشتبہ حالات میں طالب علم کی لاش درخت پر لٹکی ملی

پرتاپ گڑھ : ضلع ہیڈکواٹر سے ستّر کلومیٹر مسافت پر تھانہ کوتوالی کنڈہ علاقے خاص قصبہ کنڈہ نئی بازار کے نزدیک منگل کی صبح طالب علم کی لاش مشتبہ حالات میں درخت پر لٹکتی ہوئی پائی گئی ۔

تھانہ کوتوالی کنڈہ ایس ایچ او کملیش پال نے منگل کو بتایا کہ قصبہ کنڈہ نئی بازار کا باشندہ بی اے دوئم کا طالب علم نتیش کمار شکلا 20 آج صبح گھر سے مارنگ واک کے لئے نکلا تھا ، جہاں گھر سے کچھ فاصلے پر مشتبہ حالات میں اس کی لاش درخت پر لٹکتی ہوئی پائی گئی ،وہیں اہل خانہ لاش کو درخت سے اتار کر تھانہ لے آئے ۔لاش کو قبضے میں لے کر پوسٹ مارٹم کے لئے بھیجا گیا ۔پوسٹ مارٹم رٹ کی بنیاد پر قانونی کارروائی کی جائے گی ۔