امریکہ نے عمران کے خلاف کسی سازش سے پھر کیا انکار

واشنگٹن/اسلام آباد،15 اپریل (یواین آئی)امریکی حکومت نے جمعہ کو پاکستان کے سابق وزیراعظم عمران خان کی حکومت گرانے کے الزامات کو ایک بار پھر خارج کرتے ہوئے کہا کہ وہ اس مسئلے پر پاکستانی فوج کے ترجمان کے بیان سے متفق ہیں۔

جیو نیوز کے مطابق ایک دن پہلے انٹر سروسز پبلک ریلیشنز (آئی ایس پی آر) کے ڈائرکٹر جنرل میجر جنرل بابر افتخار نے کہا کہ پچھلے مہینے قومی سلامتی کمیٹی (این ایس سی) کی میٹنگ کے بعد جاری بیان میں سازش لفظ استعمال نہیں ہوا تھا۔

فوج کے ترجمان نے کہا کہ وہ یہ نہیں بتا سکتے کہ میٹنگ میں کیا بات چیت ہوئی تھی،لیکن سازش لفظ کا استعمال نہیں ہوا تھا۔