امریکی ایوان میں بندوق خریدنے کے لیے عمر کی حد بڑھانے کا بل منظور

واشنگٹن، 9 جون (یو این آئی/ اسپوتنک) امریکی کانگریس کے ایوان زیریں ہاؤس آف ری پریزنٹیٹیو (ایوان نمائندگان ) نےحالیہ دنوں میں امریکہ میں ہوئی گولی باری کے واقعات کے پیش نظر بندوق خریدنے کی عمر کی حد کو بڑھانے، حملے میں استعمال ہونے والے آتشیں اسلحے کو ریگولیٹ کرنے، بندوقوں کو درست جگہوں پر محفوظ رکھنے سمیت کئی دیگر اقدامات کو فروغ دینے کے لیے بل پاس کیا ہے۔

ایوان نمائندگان کے اراکین نے ’پروٹیکٹنگ آوور کڈز ایکٹ‘ نامی قانون کے حق میں ووٹ دیا اور اسے منظور کر لیا۔
بل کے مطابق اس قانون کا مقصد بندوق کی خریداری کے لیے عمر کی حد بڑھانا، بندوقوں کی اسمگلنگ کو روکنا، حملہ آور ہتھیاروں پر پابندی اور ہتھیاروں کو محفوظ طریقے سے رکھنے کے لیے اقدامات کی حوصلہ افزائی کرنا ہے۔
اس بل میں ہائی کیلیبر میگزین پر پابندی کو بحال کرنے اور ان کی خریداری پر عمر کی حد بڑھانے کی بات بھی کہی گئی ہے۔