جرمنی میں 3 مساجد کو بم سے اڑانے کی ملی دھمکی – سرچ آپریشن پر اطلاعات جھوٹی ثابت ہوئی

جرمنی میں بیک وقت 3 مساجد کو بم سے اُڑانے کی دھمکیاں موصول ہوئی ہیں جس کے بعد مساجد کو خالی کروالیا گیا۔

اطلاعات کے مطابق جرمنی کی تین مساجد میں بم کی اطلاع پر بھگڈر مچ گئی، پولیس نے مساجد کو خالی کروا کر سرچ آپریشن کا آغاز کیا تاہم اطلاعات جھوٹی ثابت ہوئیں اور مساجد سے کچھ برآمد نہیں ہوا۔

بم کی اطلاعات میونخ کے دو اضلاع پاسنگ اور فریئمنگ کی مساجد اور ایک آئسرلوہن کی مسجد کو موصول ہوئی تھیں۔ مساجد میں بم کی اطلاع انتظامیہ کو ای میل کے ذریعے دی گئی تھیں۔

پولیس نے مقدمہ درج کرکے تحقیقات کا آغاز کردیا ہے اور سائبر فورس کی مدد سے بم کی اطلاع دینے والی ای میلز کی کھوج شروع کردی ہے تاکہ اصل ملزمان تک پہنچا جا سکے۔

یاد رہے کہ جرمنی کے ساتھ ساتھ یورپ کے دیگر ممالک میں مسلمانوں کے ساتھ امتیازی سلوک کیا جا رہا ہے۔ علاوہ ازیں مسلمانوں کی جانیں اور املاک بھی غیرمحفوظ ہیں جو کہ ایک لمحہ فکریہ ہے۔

واضح رہے کہ بم کی اطلاعات میونخ کے دو اضلاع پاسنگ اور فریئمنگ کی مساجد اور ایک آئسر لوہن کی مساجد میں بم کی اطلاع انتظامیہ کو ای میل کے ذریعے دی گئی تھیں۔