سابق آئی جی سمیت تین کورونامتاثرمریضوںنے توڑادم

پریاگ راج : ضلع میں کوروناوائرس کا زبردست قہرپھیل چکاہے ، جہاں ایک جانب متاثر مریضوں کی تعداد بڑھتی جارہی ہے وہیں اموات کی بھی تعداد مسلسل بڑھ رہی ہے۔ ابھی اتوار کی رات تک دومریضوں نے دم توڑدیا تھا ، وہیں  دوشنبہ کی دوپہر تک تین اور متاثرین کی موت ہوگئی۔

آج جن کی موت ہوئی ان میں سابق آئی جی بھی شامل ہیں،ان کے ساتھ دیگر دو متاثر مریضوں کا سوروپ رانی نہرو( ایس آر این) اسپتال میں علاج چل رہاتھا۔
کووڈ-۱۹ ؍اسپتال ایس آر این میں  دوشنبہ کوتین کوروناوائرس سے متاثرین کی موت ہوگئی،اس میں سبکدوش آئی جی بھی شامل ہیں ، وہ شہرکے ایک پرائیویٹ  اسپتال میںبھرتی تھے ،وہاں جانچ کے بعد ان کی رپورٹ  ۱۰؍جولائی کو مثبت آئی تھی، اس کے بعد انہیں کووڈ-۱۹؍اسپتال ایس آراین میں بھرتی کرایاگیاتھا۔

دیر رات قریب ایک بجے ان کی موت ہوگئی ، جبکہ معلومات دوشنبہ کوہوئی۔ایس آراین کے ڈاکٹر کے مطابق سابق آئی جی شوگر ،بلڈ پریشر اور ہارٹ کے مریض بھی تھے، اسی دوسری موت لالہ پور تھانہ علاقہ کی رہنے والی ۶۰ سالہ خاتون کی ہوئی ۔تیسری موت پرتاپ گڑھ ضلع کے کنڈہ کی ۷۲سالہ خاتون کی ہوئی۔