ہاپوڑ : ٹینکر کی زد میں آکر تین طلباء کی موت

ہاپوڑ : ہاپوڑ کے کھرکھودا علاقے میں کل شام دودھ سے بھرے ہوئے ایک ٹینکر نے موٹر سائیکل پرسوار تین طلبا کو کچل دیا ۔ جس کے سبب موقع پر ہی تینوں کی موت ہوگئی۔

پولیس کے ایک ترجمان کے مطابق امرت وہار کالونی کاباشندہ نتن ، گاندھی وہار کاباشندہ اونیش، اور ویشالی کالونی کے گورو کل شام موٹر سائیکل سے مودی نگر جارہے تھے ۔ مودی نگر روڈ پر بدنولی کے قریب ان کی موٹرسائیکل کودودھ سے بھرے ہوئے ٹینکر نے ٹکر مار دی۔ حادثے میں تینوں طلباء کی موقع ہی موت ہوگئی۔ حادثے کے بعد ڈرائیور دودھ سے بھرے ہوئے ٹینکر کو چھوڑ کر فرارہوگیا۔ موقع پرپہنچنے کے بعد پولیس نے تینوں طلباء کی لاشوں کو پوسٹ مارٹم کے لئے بھیج دیا۔