تہور رانا کی پیشی کے امکان کے درمیان پٹیالہ ہاؤس کورٹ میں سخت حفاظتی انتظامات

پاکستانی کینیڈین نژاد رانا (64) امریکی شہری ڈیوڈ کولمین ہیڈلی عرف داؤد گیلانی کا قریبی ساتھی ہے، جو 2008 کے ممبئی دہشت گردانہ حملوں کے اہم سازشیوں میں سے ایک ہے۔
دہلی کی پٹیالہ ہاؤس عدالت کے باہر سیکورٹی بڑھا دی گئی ہے، جہاں ممبئی دہشت گردانہ حملے کے ملزم تہور رانا کو امریکہ سے حوالگی کے بعد جمعرات کو پیش کیے جانے کا امکان ہے۔ ایک اہلکار نے یہ اطلاع دی۔

انہوں نے کہا کہ عدالت کے باہر نیم فوجی دستوں اور دہلی پولیس کے اہلکاروں کو تعینات کیا گیا ہے اور کسی بھی ناخوشگوار واقعے سے بچنے کے لیے زائرین کی اچھی طرح جانچ پڑتال کی جا رہی ہے۔

اس کیس کی سماعت این آئی اے کے جج کی طرف سے متوقع ہے۔ دریں اثناء تہاڑ جیل کے حکام نے کہا کہ رانا کو ہائی سکیورٹی والے جیل وارڈ میں رکھنے کے لیے تمام تیاریاں کر لی گئی ہیں اور وہ عدالتی حکم کا انتظار کر رہے ہیں۔

2008 کے ممبئی دہشت گردانہ حملوں کے مرکزی ملزم رانا کو امریکہ سے دہلی لایا جا رہا ہے۔ امکان ہے کہ ہندوستان پہنچنے پر انہیں تہاڑ جیل میں رکھا جائے گا۔ پاکستانی کینیڈین نژاد رانا (64) امریکی شہری ڈیوڈ کولمین ہیڈلی عرف داؤد گیلانی کا قریبی ساتھی ہے، جو 2008 کے ممبئی دہشت گردانہ حملوں کے اہم سازشیوں میں سے ایک ہے۔