ٹام کروز نے فائٹر جیٹ اُڑاتے ہوئے ہی ایوارڈ وصول کرلیا

ہالی ووڈ اسٹار ٹام کروز نے فائٹر جیٹ اڑاتے ہوئے ہی اپنا ایم ٹی وی ایوارڈ وصول کیا۔ٹام کروز نے دوران پرواز ایوارڈ وصول کرکے ثابت کردیا کے اُنہیں بلندیوں سے بالکل بھی ڈر نہیں لگتا۔ اداکار کو مووی اینڈ ٹی وی ایوارڈز میں فلم ’ٹاپ گن: ماوریک‘ میں بہترین اداکاری کے جوہر دکھانے کے لیے ملا ہے۔ایوارڈ شو کے آفیشل ٹوئٹر ہینڈل پر ٹام کروز کا ایک ویڈیو کلپ شیئر کیا گیا ہے ۔

اس ویڈیو میں اداکار کو فائٹر جیٹ میں موجود ہیں اور اُنہوں نے ایسے سن گلاسز لگائے ہوئے ہیں جس کے ساتھ ایک ہیڈ سیٹ بھی لگا ہوا ہے۔اداکار نے اپنے مداحوں کا اُنہیں ووٹ دے کر ایوارڈ جیتنے میں کامیاب بنانے کے لیے شکریہ ادا کیا۔

انہوں نے مداحوں سے مخاطب ہوتے ہوئے کہا کہ میں یہ فلمیں آپ کے لیے بناتا ہوں، مجھے آپ لوگوں سے پیار ہے، مجھے آپ کو تفریح ​​​​فراہم کرنا اچھا لگتا ہے۔

Tom Cruise flies a old fighter plane whilst accepting the MTV Award for Best Performance in a Movie.

“See you at the movies.” pic.twitter.com/tfKUIoUMrK

— DiscussingFilm (@DiscussingFilm) May 8, 2023

اُنہوں نے مزید کہا کہ یہ جاننا کہ آپ فلموں سے کتنا لطف اندوز ہوتے ہیں اور آپ اس کی کتنی تعریف کرتے ہیں، اس سے بہتر میرے لیے کوئی اور احساس نہیں ہے۔