کالکا۔ہاوڑا ایکسپریس میں آگ ، پانچ افراد زخمی

کروکشیتر:کالکا۔ہاوڑا ایکسپریس کے ایک ڈبے میں آگ لگنے سے آج پانچ مسافرمعمولی طور پر زخمی ہو گئے ۔ ریلوے ذرائع کے مطابق یہ آتشزدگی کروکشیتر کے دھیر پور گاؤں کے پاس ہوئی۔

اطلاع ملتے ہی جی آر پی، آر پی ایف اور دیگر ریلوے افسران وہاں پہنچ گئے اور آگ پر قابو پایا گیا۔ زخمی مسافروں کو فوری علاج مہیا کرایا گیا۔ بعد ازاں جس ڈبے میں آگ لگی تھی اسے الگ کرکے ٹرین کو روانہ کیا گیا۔ آگ لگنے کی وجہ ابھی معلوم نہیں ہو سکی ہے ، تاہم شبہ ہے کہ آگ شارٹ شرکٹ کی وجہ سے لگی ہوگی۔