باغپت میں ٹرین کے سامنے کود کر نوجوان نے خودکشی کی

باغپت:اترپردیش میں باغپت کے رمالا علاقے میں سنیچر کو ایک نوجوان نے ٹرین کے سامنے چھلانگ لگاکر خودکشی کرلی۔پولیس ذرائع نے یہ اطلاع دی۔انہوں نے بتایا کہ شملہ کے راستے دلی۔

سہارنپور ریلوے بلاک پر قاسم پور کھیڑی اسٹیشن کے نزدیک ایک نوجوان دلی سے سہارنپور جارہی گاڑی نمبر 74021 کے سامنے کود گیا اور موقع پر ہی اس کی موت ہوگئی۔ٹرین کے ڈرائیور کی اطلاع پر موقع پر پہنچی جی آر پی نے لاش کی شناخت کی کوشش کی لیکن ابھی تک اس کی شناخت نہیں ہوسکی۔ پنچ نامے کے بعد لاش پوسٹ مارٹم کے لئے بھی دی گئی ہے ۔