چھوٹے سرمایہ کاروں کے مفاد میں شفاف مارکیٹ ریگولیٹر ضروری: راہل

نئی دہلی : لوک سبھا میں قائد حزب اختلاف اور کانگریس کے سابق صدر راہل گاندھی نے اسٹاک مارکیٹ میں ریکارڈ گراوٹ سے پیدا ہونے والے افراتفری پر تشویش کا اظہار کرتے ہوئے کہا ہے کہ موجودہ ماحول میں چھوٹے سرمایہ کاروں کے فائدے کے لیے ایک شفاف مارکیٹ ریگولیٹری نظام کی اشد ضرورت ہے۔

مسٹر گاندھی نے ہفتہ کو کہا کہ اسٹاک مارکیٹ میں ہنگامہ برپاہے اور ایسے میں چھوٹے سرمایہ کاروں کو ہونے والا نقصان ان کے لیے تشویش کا باعث بن گیا ہے۔ انہوں نے کہا کہ خوردہ سرمایہ کاروں کا تحفظ ضروری ہے اور اس کے لیے ایک شفاف ایپلی کینٹ سسٹم ضروری ہے۔

انہوں نے کہا، “جب بھی مارکیٹ گرتا ہے، خوردہ سرمایہ کار کو سب سے زیادہ نقصان ہوتا ہے۔ میرے لیے ان متوسط طبقے کے خوردہ سرمایہ کاروں کی بچت، مفادات اور سرمایہ کاری کا تحفظ کرنا سب سے اہم ہے – اور اس کے لیے ایک شفاف مارکیٹ ریگولیٹر سب سے اہم چیز ہے۔