کرنٹ کی زد میں آنے سے دو سگے بھائیوں کی موت

چترکوٹ : ضلع کے مئو تھانہ علاقے میں اتوار کو کھیت میں لگے نوکیلی تار میں کرنٹ اترنے سے اس کی زد میں آکر دو سگے بھائیوں کی موت ہوگئی جبکہ انہیں بچانے آئے بیٹا اور دیگر ایک زخمی ہوگیا۔

پولیس ذرائع کے مطابق اتوار کی صبح گرام بیاول کے مزرعہ کاشی ناتھ کا پوروا میں دو کسانوں کی موت اس وقت ہوگئی جب وہ مرچ کے کھیت میں گھس رہے تھے اور لگے نوکیلے تار کو کھول کر کھیت کے اندر داخل ہونے جارہے تھے تبھی اس میں آرہے کرنٹ نے اشوک ولد بینی مادھو و راجندر ولد بینی مادھو کو اپنی زد میں لے لیا۔

دونوں کو کرنٹ لگا دیکھ راجندر کا بیٹا سونو انہیں بچانے کے لئے دوڑا اور وہ بھی اس کی زد میں آگیا اسی طرح قضائے حاجت سے لوٹ رہے کمل پرساد(۲۶)ولد رام اوتار نے بھی چھڑانے کی کوشش کی تو وہ بھی بیہوش ہوگیا۔اطلاع پر پہنچے مقامی افراد نے چاروں کو فورا کمیونٹی ہیلتھ سنٹر مئو میں داخل کرایا جہاں ڈاکٹر اشوک و راجندر کو مردہ قرار دے د یا اور کمل پرساد و سونو کا علاج جاری ہے ۔