جموں میں دو آئی ای ڈیز برآمد، ناکارہ بنا دی گئی

پولیس ذرائع نے بتایا کہ جموں کے ستوری پولیس اسٹیشن کے پھالین منڈی علاقے میں پیر کی شام دیر گئے پولیس نے دو آئی ای ڈیز جن کے ساتھ ٹائمر لگا ہوا تھا، کو بر آمد کیا۔

جموں: پولیس نے جموں کے ستوری علاقے میں پیر کی شام دیر گئے دو آئی ای ڈیز کو بر آمد کیا جن کو بعد میں بغیر کوئی نقصان پہنچائے ناکارہ بنایا گیا۔ پولیس کا کہنا ہے آئی ای ڈیز کی بر آمدگی سے ایک بڑے سانحے کو ٹالا گیا۔ پولیس ذرائع نے بتایا کہ جموں کے ستوری پولیس اسٹیشن کے پھالین منڈی علاقے میں پیر کی شام دیر گئے پولیس نے دو آئی ای ڈیز جن کے ساتھ ٹائمر لگا ہوا تھا، کو بر آمد کیا۔

انہوں نے کہا کہ ان آئی ای ڈیز کو معمول کے سیرچ آپریشن کے دوران بر آمد کیا گیا۔ ان کا کہنا تھا کہ دھماکہ خیز مواد بر آمد ہونے کے ساتھ ہی بم ناکارہ بنانے والی ایک ٹیم کو جائے موقع پر طلب کیا گیا، جنہوں نے اس کو بغیر کوئی نقصان پہنچائے ناکارہ بنا دیا۔ پولیس نے اس ضمن میں ایک کیس درج کرکے مزید تحقیقات شروع کی ہے۔ دریں اثنا ذرائع کے مطابق جموں میں سیکورٹی کو مزید سخت کر دیا گیا ہے۔