بہرائچ میں پولیس مڈبھیڑ میں دو بدمعاش زخمی

 بہرائچ : اتر پردیش کے ضلع بہرائچ کے روپئی ڈیہا تھانہ علاقے میں بدھ کی رات پولیس اور جرائم پیشہ عناصر کے درمیان مسلح مڈبھیڑ ہوئی، جس کے بعد چار بدمعاشوں کو گرفتار کر لیا گیا۔ ان میں سے دو زخمی حالت میں اسپتال میں داخل کرائے گئے ہیں۔

پولیس کے مطابق مخبر سے اطلاع ملی تھی کہ  ملزم  گاؤں سہابا کے قریب آنے والے ہیں۔ اس اطلاع پر سرکل آفیسر نانپارا کی نگرانی میں پولیس ٹیم نے فوری گھیراؤ کیا۔ اسی دوران ایک ایکو وین پتنا کالونی کی طرف سے آتی دکھائی دی۔

پولیس نے جب وین کو روکنے کی کوشش کی تو اس میں سوار دو بدماشوں نے فائرنگ شروع کر دی، جبکہ دو ملزم موقع سے فرار ہونے لگے۔ جوابی فائرنگ میں منور اور جوکھے کے پیروں میں گولی لگی اور وہ گر پڑے۔ دونوں کو ابتدائی علاج کے لیے کمیونٹی ہیلتھ سینٹر  بھیجا گیا، جہاں سے بہتر علاج کے لیے میڈیکل کالج بہرائچ ریفر کر دیا گیا۔

وہیں، فرار ہونے کی کوشش کر رہے دیگر دو ملزم – چھوٹے لال اور ببلو خان – کو پولیس نے  گرفتار کرلیا۔
تمام ملزمان ضلع کمنپور کھیری کے رہنے والے بتائے جا رہے ہیں اور ان کے خلاف متعدد مجرمانہ مقدمات درج ہیں۔