قاہرہ: مصرکے دارالحکومت قاہرہ میں ایک خودکش حملہ آور نے خود کو مسجد الازھر کے قریب اڑا دیا جس کے نتیجے میں دو سیکورٹی اہلکار ہلاک اور تین افراد زخمی ہو گئے۔ہلاک ہونے والے اہلکار اس کو زیر نظر رکھ کر اس کا پیچھا کر رہے تھے اور جب وہ اسے پکڑنے کے لئے اس کے قریب ہوئے تو اس نے خود کو دھماکے سے اڑا دیا۔
مصر کی مشہور مسجد الازہر کے قریب خودکش حملہ میں تین پولیس اہلکار جاں بحق ہوگئے۔
تفصیلات کے مطابق ملکی دارالحکومت قاہرہ میں جامعہ الازہر کے قریب خود کش بمبار نے خود کو دھماکے سے اڑا لیا جس کے باعث تین پولیس اہلکار جاں بحق جبکہ تین سے زیادہ افراد زخمی ہوگئے۔
غیر ملکی خبر رساں ادارے کا کہنا ہے کہ خودکش بمبار نے اس وقت خود کو دھماکے سے اڑایا کہ جب وہ پولیس کے گھیرے میں آچکا تھا اور بچ نکلنا ناممکن تھا۔
پولیس حکام کے مطابق جاعے وقوعہ سے شواہد اکھٹے کیے جارہے ہیں، حملہ کس عسکریت پسند تنظیم کی جانب سے کیا گیا یہ کہنا قبل از وقت ہوگا۔
ریسکیو عملے نے لاشوں کو اسپتال منتقل کیا جبکہ زخمیوں کو مقامی اسپتال میں طبی امداد فراہم کی جارہی ہے، مسجد کو وقتی طور پر بند کردیا گیا ہے۔
دو روز قبل ہی مصر کے جزیرہ نما علاقے سینائی میں بم ناکارہ بناتے ہوئے پھٹ گیا تھا جس کے باعث تین سیکیورٹی اہلکاروں سمیت دو افراد شدید زخمی ہوئے تھے۔
خیال رہے کہ گذشتہ سال مارچ میں مصر کے شہر اسکندریہ میں ایک بم دھماکے میں دو پولیس اہل کار ہلاک اور تین زخمی ہوگئے تھے، مذکورہ واقعہ صدارتی انتخابات کے لیے پولنگ سے دو روز قبل پیش آیا تھا۔
