برطانیہ: بچوں کو ’لوڈوز‘ کورونا ویکسین لگانےکی سفارش

برطانیہ میں صحت کے خطرات سے دوچار بچوں کو ’’لوڈوز‘‘ کورونا ویکسین لگانےکی سفارش کی گئی ہے۔رپورٹ کے مطابق ایم ایچ آر اے کی چیف ایگزیکٹو نے 16 اور 17 برس کے بچوں کو بوسٹر لگانے کی سفارش کی ہے۔عالمی ادارہ صحت کی معمر اور کم مدافعت والوں کو ویکسین بوسٹر شاٹ لگوانےکی سفارش

حکومتی ایڈوائزر کا کہنا ہے کہ 5 سے 11 سال کےبچوں کو ابھی ویکسین لگانے کا فیصلہ نہیں کیا گیا ہے۔ایڈوائزر کا کہنا ہے کہ این ایچ ایس کی ترجیح اب بھی بالغ افراد کو جلد از جلد بوسٹر لگانا ہے۔

دوسری جانب عالمی ادارہ صحت (ڈبلیو ایچ او) کے ایڈوائزری پینل نے کورونا ویکسین بوسٹر شاٹ لگوانے کی سفارش کی ہے۔ڈبلیو ایچ او کے ایڈوائزری پینل کا کہنا ہے کہ اعداد و شمار سے ظاہر ہے کہ خصوصی طور پر بڑی عمر کےافراد میں ویکسین کی افادیت کم ہورہی ہے۔

عالمی ادارہ صحت کے مطابق کمزور قوت مدافعت رکھنے والے یا غیر موثر ویکسین لگوانے والوں کو بوسٹرشاٹ لگوانا چاہیے۔کورونا ویکسینز آخری خوراک کے بعد 6 ماہ تک کورونا سے تحفظ میں کچھ معمولی کمی کے ساتھ بہت اچھی طرح سے حفاظت کرتی ہیں۔