یوپی: سماج دشمن عناصر نے امبیڈکر کے مجسمے کو نقصان پہنچایا

یوپی: سماج دشمن عناصر نے امبیڈکر کے مجسمے کو نقصان پہنچایا، ایف آئی آر درج پولیس ذرائع کے مطابق اس واقعہ پر مقامی لوگوں نے ہنگامہ کھڑا کر دیا۔ موقع پر پہنچے پولیس اہلکاروں نے واقعہ کے ذمہ داروں کی جلد گرفتاری کی یقین دہانی کرائی جس کے بعد لوگ پرسکون ہوگئے۔
غازی آباد ضلع کے مراد نگر علاقے کے ایک پارک میں واقع ڈاکٹر بھیم راؤ امبیڈکر کے مجسمے کو سماج دشمن عناصر نے نقصان پہنچایا۔ اس واقعہ کو لے کر مقامی لوگوں نے موقع پر ہنگامہ کیا۔

File Photo

ڈپٹی کمشنر آف پولیس (دیہی) وویک چندر یادو نے جمعرات کو بتایا کہ مراد نگر تھانہ علاقہ کے سوٹھاری گاؤں کے پارک میں نصب امبیڈکر کی مورتی کو بدھ کی رات سماج دشمن عناصر نے نقصان پہنچایا۔ انہوں نے کہا کہ اس معاملے میں نامعلوم افراد کے خلاف مقدمہ درج کرکے کارروائی کی جارہی ہے۔

پولیس ذرائع کے مطابق اس واقعہ پر مقامی لوگوں نے ہنگامہ کھڑا کر دیا۔ موقع پر پہنچے پولیس اہلکاروں نے واقعہ کے ذمہ داروں کی جلد گرفتاری کی یقین دہانی کرائی جس کے بعد لوگ پرسکون ہوگئے۔

یادو نے کہا کہ امن و امان کو برقرار رکھنے کے لیے گاؤں میں کافی پولیس فورس تعینات کی گئی ہے۔ انہوں نے کہا کہ پولیس نے مورتی کی مرمت کروائی اور جمعرات کی شام کو اسی جگہ پر نصب کر دیا۔ پولیس ذرائع نے بتایا کہ گاؤں کے سربراہ اور کچھ دوسرے لوگوں نے پارک میں ایک نیا مجسمہ لگانے کا فیصلہ کیا ہے۔