یوپی سرمایہ کاروں کی پہلی پسند:یوگی

لکھنو:19مارچ(یواین آئی) اترپردیش کے وزیر اعلی یوگی آدتیہ ناتھ نے جمعہ کو دعوی کیا کہ گذشتہ چار سالوں کے میعاد کار کے دوران ان کی حکومت نے نظم ونسق،انفراسٹرکچر اور صنعتی فروغ میں قابل ذکر کام کیا ہے۔
نتیجتا ملک کی کثیر آبادی والا یہ صوبہ سرمایہ کاروں کی پہلی پسند بن چکا ہے۔

اپنی حکومت کی چوتھی سالگرہ کے موقع پر حصولیابیوں کا ذکرکرتےہوئے مسٹر یوگی نے کہا کہ وزیر اعظم نریندر مودی کی رہنمائی میں ان کی حکومت نے سابقہ نظام میں ریفارم، پرفارم اور ٹرانسفارم کی پالیسی پر عمل کرتے ہوئے 24کروڑ عوام کی توقعات پر پورا اترنے کا کام کیا ہے۔