بدمعاشوں نے لوٹ مار کی مزاحمت کرنے پر ڈرائیور کو گولی مار ی

پرتاپ گڑھ:اتر پردیش میں پرتاپگڑھ ضلع کے تھانہ کندھئی علاقے کے کشن گنج چلبیلہ روڈ پر جعفر پور موڑ کے نزدیک اتوار کی شام لوٹ مار کی مزاحمت کرنے پر بدمعاشوں نے ٹیمپو ڈرائیور کو گولی ماردی جس کے نتیجہ میں وہ شدید زخمی ہوگیا ۔

ایس ایچ او راکیش کمار نے بتایا کہ کلن (45) ٹمپو ڈرائیور ہے ۔وہ اتوار کی شام کشن گنج سے سواری لے کر پرتاپ گڑھ جارہا تھا کہ بائیک پر سوار بدمعاشوں نے ٹیمپو روک کر اس کو گولی مار دی ۔جبکہ لوٹ کا معاملہ ابھی مشتبہ ہے ۔زخمی کلن کو علاج کیلئے ضلع اسپتال لایا گیا ۔ڈاکٹروں نے ابتدائی علاج کے بعد میڈیکل کالج الہ آباد ریفر کر دیا ۔وقوعہ کی تحقیقات کی جارہی ہے ۔