سال 2023۔24 میں 62ہزار سڑکوں کا کایاکلپ کرے گی یوگی حکومت

لکھنؤ: اترپردیش کے محکمہ پی ڈبلیو ڈی نے دعوی کیا ہے کہ سال 2023۔24 میں 62 –ہزار سے زیادہ سے شاہراہوں کو گڑھوں سے پاک و ریسٹوریشن ورکس سے پختہ بنانے کی کاروائی کو تفصیلی ایکشن پلان کے ذریعہ زمین پر اتارا جارہا ہے ۔

فیشیل ذرائع نے پیر کو بتایا کہ بنیادی سہولیات کے مضبوط کرنے کے لئے حکومت ریاست کے جامع تجدید کی سمت میں لگاتار کوشش کررہی ہے ۔

اس بات کا ثبوت سڑک تزئین کاری، گڑھوں سے پاک و راستوں کے ریسٹوریشن عمل کو لے کر بھی دیکھا جاسکتا ہے ۔ محکمہ پی ڈبلیو کے اعداد کے مطابق، ریاست میں سال 2023۔24 کے درمیان گڑھوں سے پاک و رسٹوریشن کاموں کے اہداف کو حاصل کرنے میں محکمہ پی ڈبلیو ڈی نے اپنے ٹارگٹ کا 30فیصدی کام پورا کیا ہے ۔

وہیں قومی شاہراہوں کی بات کریں تو اس نے اب تک 75.30فیصدی کامیابی حاصل کی ہے ۔ کل ملاکر سال 2023۔24 میں 62ہزار سے زیادہ راستوں کو گڑھا پاک و ریسٹوریشن ورکس سے پختہ بنانے کے عمل کو تفصیلی ایکشن پلان پر عمل درآمد کے ذریعہ زمین پر اتارا جارہا ہے ۔

انہوں نے کہا کہ اس سال اب تک محکمہ تعمیرات عامہ کی طرف سے سڑکوں کی مضبوطی کے اہداف کو پورا کرنے کے لیے ریاست کے تمام اضلاع کو 275 کروڑ روپے مختص کیے گئے ہیں اور یوگی حکومت کی طرف سے کام کی تکمیل پر بھی مسلسل نظر رکھی جا رہی ہے ۔

ریاست میں محکمہ تعمیرات عامہ کے تحت کل 1.14 سڑکیں ہیں جن کی کل لمبائی 2.66 لاکھ کلومیٹر ہے ۔ اس میں سے اس سال 62 ہزار سے زائد سڑکوں کا میک اوور کرنے کا فیصلہ کیا گیا ہے ۔ اس میں سے 44869 سڑکوں کے لیے گڑھوں سے نجات کا ہدف مقرر کیا گیا ہے جبکہ 17588 سڑکوں کی تزئین و آرائش کے عمل کو ٹھوس شکل دینے کی تجویز ہے ۔

اس میں سے اس سال اب تک 1711 اور 5277 راستوں کی بحالی کے کاموں کو گڑھے سے پاک کرنے کی سمت میں مکمل کیا گیا ہے ۔ یعنی اب تک محکمہ تعمیرات عامہ کی جانب سے کل 6988 راستوں پر کام کیا جا چکا ہے ۔ اس میں سے گڑھوں سے نجات کے کاموں کا تناسب 3.81 فیصد رہا جبکہ بحالی کے کاموں کا ہدف 30 فیصد حاصل کیا گیا۔

قابل ذکر ہے کہ محکمہ تعمیرات عامہ کے تحت منڈی، پنچایتی راج، آبپاشی، دیہی ترقی، شہری ترقی، گنے ، ہاؤسنگ اور شہری منصوبہ بندی اور انفراسٹرکچر اور صنعتی ترقی کے محکمے سے متعلق سڑکیں آتی ہیں اور ان تمام محکموں کو ایڈجسٹمنٹ سے ریاست میں روڈ مرمت کے عمل کو بڑھاوا دیا جارہا ہے ۔