اترپردیش :سون بھدر میں موٹرسائیکل فلائی اوور سے گری، دو افراد کی موت

سون بھدرہ 18 مئی (یواین آئی) اترپردیش میں ضلع سون بھدرضلع کے رابرٹس گنج میں فلائی اوور پر تیزرفتاری سے جارہی ایک موٹرسائیکل بے قابو ہوکر ٹکرا گئی اور فلائی اوور سے نیچے جا گری جس سے اس پر سوار دو افراد کی موت ہوگئی۔

پولیس ذرائع نے بتایا کہ اکھاڑہ موہل کا رہائشی وملیش (30) اور تنتالی ا رہائشی گڈو موریہ (35) منگل کی صبح کسی کام سے موٹرسائیکل پر جارہے تھے۔
وہ رابرٹس گنج میں واقع فلائی اوور کو عبور کررہے تھے کہ تیز رفتار موٹر سائیکل بے قابو ہوکر ڈیوائڈر سے ٹکرا گئی اور دونوں نوجوان فلائی اوور کے نیچے گر گئے جس سے دونوں کی موقع پر ہی موت ہوگئی۔