اترپردیش:وارانسی میں تیزرفتار آٹو کی درخت سے ٹکر، ڈرائیورسمیت دوہلاک

وارانسی ، 2 جولائی (یو این آئی) اتر پردیش میں وارانسی کے روہنی علاقے میں ایک سڑک حادثے میں ایک آٹو ڈرائیور سمیت دو نوجوانوں کی موت ہوگئی۔

پولیس ذرائع نے جمعہ کے روز بتایا کہ جمعرات کی شام روہنیاں – گنگا پور روڈ پر دریکھو گاؤں میں ایک تیز رفتار آٹو سڑک کے کنارے ایک درخت سے ٹکرا گئی ، جس سے اس کا ڈرائیور جیتندر کمار (35) اور ستیندر کمار (40) شدید زخمی ہوگیا۔

دونوں نوجوانوں کو پرائیویٹ اسپتال میں ابتدائی علاج کے بعد بنارس ہندو یونیورسٹی (بی ایچ یو) کے ٹروما سینٹر میں داخل کرایا گیا ، جہاں علاج کے دوران ان کی موت ہوگئی۔