بنگلہ دیش دورہ: وزیر اعظم مودی کا ڈھاکہ میں شاندار استقبال

ڈھاکہ: وزیر اعظم نریندر مودی کے بنگلہ دیش کے دو روزہ دورے پر جمعہ کی صبح یہاں حضرت شاہ جلال بین الاقوامی ہوائی اڈہ پہنچنے پر بنگلہ دیش کی وزیر اعظم شیخ حسینہ نے خود شاندار استقبال کیا۔

وزیر اعظم مودی شیخ حسینہ کی دعوت پر ہمسایہ ملک کے قیام کی گولڈن جوبلی اور بنگا بندھو شیخ مجیب الرحمٰن کی صد سالہ سالگرہ کی تقریبات میں شرکت کے لئے یہاں پہنچے ہیں۔ واضح رہے کہ کووڈ 19 وبا کے بعد وزیر اعظم مودی کا یہ پہلا غیر ملکی دورہ ہے۔

Landed in Dhaka. I thank PM Sheikh Hasina for the special welcome at the airport. This visit will contribute to even stronger bilateral relations between our nations. pic.twitter.com/oWFydFH2BG

— Narendra Modi (@narendramodi) March 26, 2021

ہوائی اڈے پر بنگلہ دیش میں ہندوستان کے ہائی کمشنر وکرم دورےسامی بھی موجود تھے۔ وزیر اعظم مودی کو ہوائی اڈے پر ہی فوج کے ایک دستے نے گارڈ آف آنر پیش کیا ۔

ڈھاکہ پہنچنے پر ہونے والے والہانہ استقبال پر وزیر اعظم نریندر مودی نے شیخص حسینہ کا شکریہ ادا کیا۔ ڈھاکہ میں لینڈ کرنے کے بعد انہوں نے ٹوئٹر پر لکھا، ’’ایئرپورٹ پر کئے گئے شاندار استقبال کے لئے میں وزیر اعطم شیخ حسینہ کا شکریہ ادا کرتا ہوں۔ یہ دورہ ہماری اقوام کے باہمی تعلقات کو تقویت بخشے گا۔‘‘

ذرائع کے مطابق وزیر اعظم مودی ڈھاکہ پہنچنے کے فورا بعد ہی شہداء کے قومی میموریل گئے اور بنگلہ دیش کی آزادی کی لڑائی کے شہدا کو خراج عقیدت پیش کیا۔ انہوں نے وہاں وزٹر رجسٹر میں اپنے دستخط کئے ۔ اس کے بعد وہ دوپہر میں بنگلہ دیش کے قومی دن کے پروگرام میں شامل ہونے کے بعد شام کو باپو بنگا بندو ڈیجیٹل ویڈیو نمائش کا افتتاح کریں گے ۔ وزیر اعظم مودی بنگلہ دیش کے صدر عبدالحمید سے ملاقات کریں گے اور میزبان وزیر اعظم محترمہ حسینہ کے ساتھ ایک وفد سطح کی میٹنگ میں شرکت کریں گے۔

وہ بنگلہ دیش کی مختلف سیاسی جماعتوں کے رہنماؤں اور معززین سے بھی ملاقات کریں گے۔ وزیر اعظم مودی نے اپنے دورے کے پہلے بیان میں کہا تھا ’’ مجھے خوشی ہے کہ کووڈ 19 وبا کی شروعات کے بعد کسی ایسے ہمسایہ دوست ملک کا یہ میرا پہلا غیر ملکی دورہ ہے ، جس کے ساتھ ہندوستان کے ثقافتی ، لسانی اور دونوں ممالک کے لوگ کے درمیان گہرے تعلقات ہیں