ممبئی:پنجابی فلموں کے سپراسٹار اور گلوکار دلجیت دوسانجھ بالی وڈ میں سولو ہیرو والی فلمیں کرنا چاہتے ہیں۔دلجیت نے گزشتہ برس ریلیز فلم ‘اڑتا پنجاب’ میں ڈیبو کیا تھا اور جلد ہی وہ فلم ‘پھلوری’ میں انوشکا شرما سے رومانس کرتے نظر آئیں گے ۔ قبل ازیں فلم اڑتا پنجاب میں وہ کرینہ کپور کے ہمراہ رومانوی کردار اداکرچکے ہیں۔
بتایا جاتا ہے کہ دلجیت کی نظریں صرف سولو رول پر ہی مبنی ہیں وہ چاہتے ہیں کہ فلموں میں اچھے رول کریں ۔ وہ کوئی بھی ایسا رول نہیں کرنا چاہتے جہاں ایک سے زائد لوگ کریڈٹ لینے کے لئے موجود ہوں۔انوشکا کی فلم پھلوری میں دلجیت نے ہی ان کے عاشق کا کردار نبھایا ہے اس کی پروڈیوسر انوشکا ہی ہیں ۔ یہ ان کی دوسری فلم ہے جسے انہوں نے پروڈیوس کیا ہے ۔ اس فلم کی کہانی ایک درخت پر رہنے والی بھوتنی کے ارد گرد گھومتی ہے اور یہ کردار خود انوشکا نے ہی نبھایا ہے ۔
