مغربی بنگال: موتیا کے آپریشن کے بعد 25 مریضوں میں آنکھ کا انفیکشن

اہلکار نے بتایا کہ گزشتہ جمعہ اور ہفتہ کو ان مریضوں پر موتیا کی سرجری کی گئی تھی۔ انہوں نے بتایا کہ انفیکشن کیسے ہوا فی الحال واضح نہیں ہے۔
کولکتہ کے مٹیابرج میں واقع ایک سرکاری اسپتال میں کم از کم 25 مریضوں نے موتیابند کی سرجری کے بعد آنکھوں میں مسائل کی شکایت کی ہے۔ ایک اہلکار نے بدھ کو یہ جانکاری دی۔

انہوں نے کہا کہ مریضوں کی شکایات کے بعد حکام نے ایسے آپریشن عارضی طور پر بند کر دیے۔ اہلکار نے بتایا کہ گزشتہ جمعہ اور ہفتہ کو ان مریضوں پر موتیا کی سرجری کی گئی تھی۔ انہوں نے بتایا کہ انفیکشن کیسے ہوا فی الحال واضح نہیں ہے۔

اہلکار نے کہا کہ انفیکشن کی وجہ جاننے کے لیے آپریشن میں استعمال ہونے والے تمام آلات کی جانچ کی جا رہی ہے۔ اسپتال کے اہلکار نے پی ٹی آئی کو بتایا، “انفیکشن کی وجہ ابھی تک واضح نہیں ہے۔ انہوں نے کہا کہ ہم نے فی الحال موتیا کے آپریشن بند کر دیے ہیں، تمام 25 مریضوں کو ریجنل انسٹی ٹیوٹ آف اوتھلمولوجی منتقل کر دیا گیا ہے۔ وہاں اس کا علاج کیا جا رہا ہے۔