ٹائی ٹینک فلم کے ڈائریکٹر نے آبدوز حادثے پر کیا کہا؟

ٹائی ٹینک فلم کے ڈائریکٹر جیمز کیمرون نے ٹائٹین آبدوز اور ٹائی ٹینک جہاز کے حادثوں میں مماثلت پر حیرانی کا اظہا رکیا ہے۔ٹائی ٹینک فلم کے ڈائریکٹر جیمز کیمرون نے کہا کہ ٹائی ٹینک کے کپتان کو بارہا خبردار کیا گیا تھا کہ آگے برف کا تودہ ہے لیکن اس نے نہ مانی، اس نے اندھیری رات میں پوری رفتار سے جہاز چلادیا تھا۔

انہوں نے کہا کہ کئی بارٹائی ٹینک کی باقیات جاکر دیکھ چکا ہوں، آبدوز کی تیاری میں حائل انجینئرنگ مشکلات اورسیفٹی پروٹوکول جانتا ہوں، لوگوں کو چاہیے کہ وہ اس واقعہ سے سبق سیکھیں۔

By @AJEnglish
“#Titanic film director James Cameron says OceanGate's destroyed Titan sub should not have been operating after concerns had been raised over its design ⤵️” #TitanSub #titanicsub #TitanicRescue #Titanic #titanicsubmarine #OceanGate #movie pic.twitter.com/SkbTGzqPRG

— China4Tech🌏 (@China4Tech) June 26, 2023

جیمز کیمرون کا کہنا تھا کہ میں نے ٹائی ٹینک کا ملبہ دیکھنے کیلئے 33 ڈائیوز مکمل کی ہیں جب کہ اتوار کے روز جب آبدوز لاپتا ہوئی تو میں اس وقت جہاز پر ہی موجود تھا، مجھے پتا چلا کہ بیک وقت آبدوز کا (نیوی گیشن اور کمیونیکیشن) رابطہ منقطع ہوگیا ہے تو مجھے تباہی کا اندیشہ ہوا۔

امریکی بحریہ کے سینیئر اہلکار کا ٹائٹن کے تباہ ہونے سے متعلق کہنا تھا کہ سمندر کے نیچے دھماکے کی آواز سے ملتی جلتی آواز کی اطلاع کوسٹ گارڈ کمانڈر کو دی تھی۔

انہوں نے کہا کہ اوشین گیٹ کی لاپتا آبدوز ٹائٹن کی تلاشی کیلئے اعلیٰ خفیہ صوتی سراغ رساں نظام کا استعمال کیا گیا تھا۔

سیاحوں کی موت کی تصدیق:
بحراوقیانوس میں ٹائی ٹینک کی باقیات دیکھنے کیلئے جانے والے سیاحوں کی لاپتا آبدوز ٹائٹین کا ملبہ ملنے کے بعد آبدوز کے مالک کمپنی اوشین گیٹ نے اس میں سوار پانچوں افراد کی موت کی تصدیق کردی ہے۔

خیال کیا جاتا ہے کہ حادثے کا شکار ہونے والی آبدوز غرقاب بحری جہاز ٹائی ٹینک کے ملبے سے 1600 فٹ (487 میٹر) دور ہے، یہ ایک ایسے علاقے میں ہے جہاں ٹائی ٹینک کا کوئی ملبہ پہلے سے موجود نہیں ہے۔

1912 میں تباہ ہونے والے مسافر بردار بحری جہاز ٹائی ٹینک کا ملبہ دیکھنے کے لیے جانے والی آبدوز ٹائٹین 18 جون کو بحر اوقیانوس میں لاپتا ہوئی گئی تھی۔