چنکی پانڈے نہار منہ کیا کھاتے ہیں؟ اداکار نے اپنی اچھی صحت کا راز بتادیا

بالی وڈ اداکار چنکی پانڈے نے اپنی اچھی صحت کا راز نہار منہ لہسن کھانے کو قرار دے دیا۔ بھارتی میڈیا رپورٹس کے مطابق اداکار چنکی پانڈے نے نہار منہ لہسن کھانے کی قسم کھائی ہوئی ہے کیوں کہ لہسن ان کی اچھی صحت کا راز ہے۔

بھارتی میڈیا سے گفتگو میں چنکی پانڈے نے بتایا کہ ‘ میں ہر صبح بیدارہونے کے بعد 2 لہسن (جوے) کھاتا ہوں کیوں کہ اس وقت کھایا گیا لہسن خون اور شریانوں کے لیے بے حد مفید ہے‘۔

چنکی پانڈے کے مطابق’ اگر نہار منہ مجھے لہسن نہ ملے تو مجھے محسوس ہوتا ہے کہ میں نیند سے بیدار ہی نہیں ہوا، جب میں بیرون ملک جاؤں تو وہاں مجھے لہسن دستیاب نہیں ہوتا، اس وقت میں کھو ساجاتا ہوں، یہی وجہ ہے کہ میں پھر صبح کسی سے بات بھی نہیں کرتا، میری سانس خراب ہوجاتی ہے کیوں کہ صبح میرے لیے لہسن بہت ضروری ہے‘۔

نہار منہ 2لہسن کے استعمال سے متعلق طبی ماہرین کی رائے؟
بھارت کی ماہر غذائیت ڈاکٹر انجلی تیواری کے مطابق ہر صبح لہسن کی دو جوے کااستعمال متوازن غذا میں فائدہ مند اضافہ ثابت ہو سکتا ہے۔

ماہرین کا ماننا ہے کہ ’لہسن بائیو ایکٹیو مرکبات مثلاً ایلیسن، سلفر اور اینٹی آکسیڈنٹس سے بھرپور ہوتا ہے، لہسن کا باقاعدگی سے استعمال کولیسٹرول اور ٹرائگلیسرائیڈز کو کم کرنےاور دل کی مجموعی صحت کو بہتر بنانے کے لیے مفید ہے۔

لہسن میں موجود قدرتی اینٹی مائیکروبیل اور اینٹی وائرل خصوصیات مدافعتی نظام کو مؤثر طریقے سے سپورٹ کرنے اور انفیکشنز کا مقابلہ کرنے کی صلاحیت رکھتے ہیں۔

مطالعات سے پتا چلتا ہے کہ لہسن کا استعمال بلڈ پریشر کو کنٹرول کرنے میں مدد کرسکتا ہے۔

مزید برآں لہسن کا استعمال کینسر اور دائمی بیماریوں کے خطرے کو کم کرنے میں بھی معاون ہے۔