کانپور : مشتبہ بدمعاش کو پولیس نے کیا گرفتار

کانپور : نوبستہ تھانہ حلقہ میں دیر رات لوٹ کے ارادے سے علاقہ میں گھوم رہے بدمعاش کو گشت کے دوران پولیس نے گرفتار کرلیا۔ پکڑے گئے بدمعاش کے قبضہ سے چاقو اور دیگر ہتھیا ر برآمد ہوئے۔

پیر کی رات داروغہ رما شنکر پانڈے تھانہ پولیس کے ساتھ حلقہ میں گشت کررہے تھے۔ اسی دوران پولیس ٹیم کو ایک نوجوان آتا دکھائی دیا۔پولیس کو دیکھ کر اس نے فرار ہونے کی کوشش کی۔پولیس نے اسے دوڑا کر پکڑ لیا۔تلاشی کے دوران اس کے قبضہ سے چاقو اور لوٹ میں استعمال ہونے والے آلات برآمد ہوئے۔ سختی سے تفتیش کرنے پر اس نے اپنا نام چھوٹو ساکن کھانڈے پور بتایا۔ایس او نے بتایا کہ پکڑے گئے ملزم نے راہ گیروں سے لوٹ کی وارداتوں کو قبول کیا ہے۔ملزم کو جیل بھیج دیاگیا۔