ڈبلیو ایچ او: کورونا سے ہوئی اموات کی تعداد 294000 سے تجاوز

جنیوا، 15 مئی (اسپوتنک) دنیا بھر میں کورونا وائرس (کووڈ۔19) سے گزشتہ چوبیس گھنٹوں میں 6600 افراد کی موت ہوچکی ہے جبکہ اس دوران تقریباً 78000 متاثرین سامنے آئے ہیں۔ یہ اطلاع عالمی ادارہ صحت (ڈبلیو ایچ او) نے جمعہ کے روز دی ہے۔

نئے اعداد و شمار کے مطابق عالمی سطح پر کورونا کے 77965 نئے معاملات سامنے آئے ہیں جس سے متاثرین کی مجموعی تعداد بڑھ کر 4248389 ہوچکی ہے۔گزشتہ 24 گھنٹوں کے دوران 6647 اموات ہوئی ہیں جس سے مرنے والوں کی تعدادبڑھ کر 294046 ہوگئی ہے۔
کورونا سے سب سے زیادہ متاثرہ علاقہ شمالی اور وسطی امریکہ ہے جہاں 18 لاکھ سے زائد کیسز سامنے آئے ہیں۔ صرف امریکہ میں 13.4 لاکھ افراد اس وائرس سے مبتلا ہیں اور 80695 افراد لقمہ اجل بن چکے ہیں۔