کیا ’ویلکم 3‘ اگلے سال بننا شروع ہوگی؟

بولی وڈ کامیڈی فلم سیریز ’ویلکم‘ مداحوں میں بےحد ہٹ ہے، جس کے تیسرے حصے کی خبریں طویل عرصے سے میڈیا میں اڑ رہی ہیں تاہم اب تک اس کی شوٹنگ کا آغاز نہیں کیا گیا۔

تاہم حال ہی میں سامنے آئی کچھ رپورٹس کے مطابق فلم کی شوٹنگ کا آغاز اگلے سال کیا جائے گا۔

فلم میں انیل کپور، نانا پاٹیکر اور پریش راول تو موجود ہوں، تاہم اب تک ہیرو ہیروئن کا نام سامنے نہیں آیا۔

خیال رہے کہ نانا پاٹیکر، انیل کپور اور پریش راول اب تک ویلکم کے ہر حصے میں اپنی شاندار کامیڈی سے شائقین کو محظوظ کرتے آرہے ہیں، تاہم مرکزی کاسٹ ہر فلم میں تبدیل ہوئی۔

اس سیریز کے پہلے دو حصوں کی ہدایات انیس بزمی نے دی، جبکہ اب اس فلم کی ڈائیریکشن کوئی نئے ہدایت کار دیں گے۔

کامیڈی کے ساتھ ساتھ ویلکم 3 میں ایکشن مناظر بھی فلمائے جائیں گے، جبکہ اس کی شوٹنگ نیویارک میں ہوگی۔

واضح رہے کہ فلم ’ویلکم‘ میں اکشے کمار اور کترینہ کیف نے مرکزی کردار ادا کیے تھے، جبکہ ’ویلکم 2‘ میں جان ابراہم اور شروتی ہاسن موجود تھے۔