دنیا شدید گرمی کی لہروں میں اضافے کا سامنا کرنے کی تیار ی کر لے: اقوام متحدہ

اقوام متحدہ نے وارننگ دی ہے کہ دنیا شدید گرمی کی لہروں میں اضافے کا سامنا کرنے کی تیار ی کر لے۔ان دنوں یورپ، امریکا کی کچھ ریاستوں، کینیڈا، جاپان اور چین میں شدید گرمی کی لہر جاری ہے۔

چین
چین میں 52 ڈگری سینٹی گریڈ کے درجہ حرارت نے تمام ریکارڈز توڑ دیے۔ برطانیہ کے میٹ آفس کے مطابق، چین میں اتوار کے روز اب تک کا بلند ترین درجہ حرارت ریکارڈ کیا گیا جب مغربی سنکیانگ کے علاقے میں پارہ 52.2C (126F) ریکارڈ کیا گیا۔

ادھر جنوبی چین میں سمندری طوفان ٹالِم کی تباہ کاریاں جاری ہیں، 2 لاکھ 30 ہزار افراد کو محفوظ مقامات پر منتقل کر دیا گیا ہے۔

An onslaught of heat waves is gripping parts of the Northern Hemisphere, as some cities face dangerous temperatures. There are sweltering temperatures in many parts of Europe, and the heat index in the Middle East has reached life-threatening levels. https://t.co/dSbiGFtLHx pic.twitter.com/UHahVm04Mr

— The New York Times (@nytimes) July 18, 2023

طوفان کے باعث پروازوں تعطل کا شکار ہیں جبکہ ماہی گیروں کو محفوظ مقامات پر منتقل کرکے ساحلی اور سیاحتی مقامات کو بند کر دیا گیا ہے، طوفان ویتنام جاتے ہوئے کمزور پڑ گیا ہے۔

جاپان اور کوریا

جاپان میں تقریباً 60 افراد ہیٹ اسٹروک کی وجہ سے بیمار ہوگئے ہیں جبکہ جنوبی کوریا میں کئی دنوں سے جاری طوفانی بارشوں اور لینڈ سلائیڈنگ سے مرنے والوں کی تعداد 41 ہو گئی ہے۔

Some climate experts are urging government agencies to start naming heat waves.

European news outlets are referring to the latest one in Southern Europe as “Caronte,” after the ferryman in Dante Alighieri’s poem “Inferno." https://t.co/BA2NF1Ca87

— The New York Times (@nytimes) July 18, 2023

یورپ
پورے براعظم میں جنگلات میں آگ بھڑکنے کے واقعات رونما ہوئے ہیں اور جنوبی یورپ کے بڑے حصے ریکارڈ گرمی کی لپیٹ میں ہیں

سسلی میں درجہ حرارت 46.3 ڈگری سینٹی گریڈ تک پہنچ گیا، سائنسدانوں کا کہنا ہے کہ موسمیاتی تبدیلی ہیٹ ویو کے دورانئے کو طویل، زیادہ شدید اور مستقل بنا رہی ہے۔

ورلڈ میٹرولوجیکل آرگنائزیشن (ڈبلیو ایم او) کا کہنا ہے کہ گرمی کی لہریں آنے والے برسوں میں مزید شدید ہو جائیں گی۔

اسپین، یونان اور سوئٹزرلینڈ میں شدید گرمی کی وجہ سے پھیلی جنگلاتی آگ پر قابو پانے میں مشکلات حائل ہو رہی ہیں۔ متاثرہ علاقوں میں درجنوں مکانات تباہ ہوئے ہیں، لوگوں کا انخلا جاری ہے۔

کینیڈا کے جنگلات میں بھی 500 سے زائد مقامات پر لگی آگ بے قابو ہے۔ وفاقی فوج اور بین الاقوامی فائر فائٹرز کی مدد طلب کر لی گئی ہے، آگ بجھاتے ہوئے 2 کینیڈین فائر فائٹرز ہلاک ہوئے ہیں۔

گرمی اور خشک موسم کے باعث جنگلاتی آگ کا سلسلہ اگست تک جاری رہنے کا خدشہ ہے۔ کئی شہروں کی فضا آلودہ ہوگئی ہے، کیلگری، مونٹریال، کیوبک اور ٹورنٹو میں دھویں کا الرٹ جاری کر دیا گیا ہے۔

کینیڈا سے اٹھتا دھواں شمالی اور مشرقی امریکا کو بھی متاثر کر رہا ہے، امریکا کی 20 ریاستوں میں بھی فضائی آلودگی کا الرٹ جاری کر دیا گیا ہے۔ نیویارک، الی نوائے، مشی گن، وسکونسن کے رہائشیوں کو گھروں میں رہنے کی ہدایت دی گئی ہے۔

کینیڈین حکام کا کہنا ہے کہ ملک میں مئی سے اب تک جنگلاتی آگ سے دو کروڑ چالیس لاکھ ایکڑ سے زائد کا رقبہ جل چکا ہے جو کہ آئس لینڈ کے رقبے کے برابر ہے۔

امریکا میں گرمی
مغربی اور جنوبی امریکی ریاستوں میں 80 ملین سے زیادہ لوگ وسیع پیمانے پر شدید ہیٹ ویو کی ایڈوائزری کے تحت حفاظتی اقدامات اپنا رہے ہیں۔

کیلیفورنیا کی ڈیتھ ویلی میں درجہ حرارت اتوار کو 52C (125.6F) کے قریب ریکارڈ کیا گیا، جب کہ پیر کو ایریزونا کے ریاستی دارالحکومت فینکس میں درجہ حرارت مسلسل 18 ویں دن 43C (109.4F) سے اوپر ریکارڈ کیا گیا۔