کورونا سے لڑنے کے لئے یوگی حکومت کی کوششیں ناکافی:اکھلیش

لکھنؤ:04اپریل(یواین آئی) کورونا وائرس کے خطرات سے نبردآزما ہونے کے لئے یوپی کی یوگی حکومت کی کوشش کو ناکافی بتاتے ہوئے سماج وادی پارٹی(ایس پی) سربراہ اکھلیش یادو نے کسانوں اور غریبوں کی مدد کے لئے ریونیو وصولی روکنے اور بینک قرضوں پر سود کی معافی سمیت دیگر کئی تجاویز پیش کئے ہیں۔

مسٹر یادو نے سنیچر کو کہا کہ کورونا وباکی وجہ سے اس وقت کسانوں کو مالی بحران کا سامنا ہے۔اس مصیبت میں پھنسے لوگوں سے سبھی ریونیو وصولی روکے جائیں ،بینک قرضوں پر سود کو معاف کیا جائے۔