ایودھیا:سخت حفاظتی انتظامات کے درمیان اتر پردیش کے وزیر یوگی آدتیہ ناتھ نے متنازعہ مذہبی مقام میں نصب’رام للا’ کے آج درشن کئے ۔وزیر اعلی بننے کے بعد پہلی بار ایودھیا آئے مسٹر یوگی نے رام للا کے درشن سے قبل مشہور ھنومان گڈھي مندر میں ہنومان کے سامنے سجدہ ریز ہوئے ۔
مسٹر یوگی کے درشن کے وقت دونوں مقامات پر سیکورٹی وجوہات کی بنا پرعام زائرین کے مندر میں جانے پر روک لگا دی گئی تھی۔وزیر اعلی کے ھنومان گڈھي میں موجودگی کے دوران مندر کے نیچے ان کے متعدد حامی انتظار کر رہے تھے ۔ ھنومان گڈھي میں ھنومان کے درشن کے لئے تقریبا ڈیڑھ سو سیڑھیاں چڑھ کر جانا ہوتا ہے ۔مجسمہ کافی اونچائی پرواقع ہے ۔ راجستھان سے آئے ان کے ایک حامی نے کہا، “مجھے اخبارات سے پتہ چلا ہے کہ یوگی جی رام للا کے درشن کے لئے آ رہے ہیں ا سي لئے میں بھی یہاں آ گیا ہوں ۔میں ان سے ملاقات کرنا چاہتا ہوں، مل کر کہوں گا کہ جلد سے جلد نریندر مودی کے ساتھ مل کر مندر کی تعمیر کرائیں۔
مسٹر یوگی نے ھنومان گڈھي میں تقریبا بیس منٹ گزارے ۔ درشن کے بعد انہوں نے مندر کے پجاریوں سے باتیں کی۔ ان کے ساتھ تصاویر کھنچوائیں ۔ نوجوان سادھوؤں نے سیلفی لی۔ اس کے بعد وہ ھنومان گڈھي سے تقریبا سات -اٹھ سو میٹر دوری پر واقع متنازعہ رام جنم بھومی پہنچے ۔ انہوں نے حفاظتی معیار پر مکمل طور سے عمل کرتے ہوئے رام للا کے درشن کئے ۔مجسمے سے تقریبا 30 میٹر دورتعمیر ایک پلیٹ فارم پر کھڑے ہوکر زائرین رام للا کا درشن کرتے ہیں۔مجسمہ صاف نظر آئے اس کے لئے بجلی کا یہاں بہتر انتظام کیا گیا ہے ۔ متنازعہ رام جنم بھومی پر انہوں نے تقریبا 30 منٹ گزارے ۔درشن کے وقت باہر ان کے متعدد حامی جن میں بیشتر سادھو سنت شامل تھے مسلسل نعرے لگا رہے تھے ۔ سادھو رامیشور داس نے کہا، “آج ایودھیا کے لوگ کافی پرجوش ہیں۔ یہاں کے لوگوں کی خواہش ہے کہ رام مندر کی تعمیر جلد از جلد کی جائے اسی درمیان کچھ لوگ شنکھ بجاتے بھی نظر آئے ۔کئی کے ہاتھوں میں تو گھنٹہ بھی تھا جسے وہ مسلسل بجا رہے تھے ۔ متنازعہ رام جنم بھومی پرنصب رام للا کا درشن کرنے کے بعد وہ سریو کے کنارے کے لئے روانہ ہو گئے ۔ انہوں نے سریو ندی کی پوجا کی اور آرتی اتاری۔
مسٹر یوگی کے ایودھیا دورے کے دوران 25 سال قبل لگنے والا نعرہ “رام للا ہم آئیں گے ، مندر وہیں بنائیں گے ۔بھی سنائی دیا۔ چھ دسمبر 1992 کو متنازعہ ڈھانچہ منہدم ہونے کے بعد رام للا کا درشن کرنے والے مسٹر یوگي دوسرے وزیر اعلی ہیں۔ اس سے قبل 2002 میں مسٹر راج ناتھ سنگھ نے بطور وزیر اعلی رام للا کا درشن کیا تھا۔ 1991 میں وزیر اعلی کے عہدے کا حلف لینے کے بعد کلیان سنگھ نے اپنے کابینہ کے ساتھیوں کے ساتھ ایودھیا کا دورہ کیا تھا۔ انہوں نے رام للا اور ہنومان جی کے درشن کئے تھے ۔ دگمبر اکھاڑے میں پرمھنس رام چندر داس کی دعوت پر دوپہر کا کھانا کیا تھا۔وزیر اعلی بننے سے قبل مسٹر یوگی کئی بار ایودھیا آ چکے ہیں۔ ان کے گورکھپور واقع گورکشپیٹھ سے رام جنم بھومی تحریک کا پرانا رشتہ ہے ۔ مسٹر یوگی کے گرومہنت اویدیہ ناتھ کی قیادت میں ہی رام جنم بھومی تحریک شروع ہوئی تھی۔ ان کی صدارت میں بنے شري رام جنم بھومی مکتی یگیہ سمیتی نے تحریک کی کمان سنبھالی تھی۔ کمیٹی کی نگرانی میں سیتامڑھي سے دہلی تک تاریخی رتھ یاترا نکالی گئی تھی،لیکن 31 اکتوبر 1984 کو اس وقت کی وزیر اعظم آنجہانی اندرا گاندھی کے قتل کی وجہ سے دورے کودرمیان میں ہی روک دینا پڑا تھا۔
شري رام جنم بھومی مکتی یگیہ سمیتی کی قیادت میں نکلی یاترا سے لوگ براہ راست جڑ گئے تھے ۔ یاترا میں شامل ہزاروں لوگوں کے لئے پھل اور کھانا اتنا آ جاتا تھا کہ اسے جانوروں کو کھلانا پڑ جاتا تھا۔یاترا کے ایودھیا پہنچنے پر ایک بہت بڑے اجتماع کا انعقاد سریو ندی کے کنارے پرکیا گیا تھا۔ لاکھوں لوگوں نے اس اجتماع میں سادھو سنتوں کو سنا تھا۔ اجتماع کی صدارت مہنت اویدیہ ناتھ نے کی تھی، جبکہ کلیدی خطیب کے طور پر وشو ہندو پریشد کے اس وقت کے سکریٹری جنرل اشوک سنگھل تھے ۔ اس اجتماع میں مندر کی تعمیر کے لئے سنتوں کی ہنکار ہی سے واضح ہو گیا تھا کہ یہ تحریک ملک کی سیاسی صورتحال اور سمت دونوں تبدیل کرے گی۔مسٹر یوگی کے دورے نے ایودھیا کے کئی واقعات کی یاد تازہ کر دی ہے ۔ اس سے قبل مسٹر یوگي صبحتقریبا آٹھ بجکر پچاس منٹ پر فیض آباد کے ہوائی پٹی پر پہنچے ۔ وہاں سے وہ براہ راست ھنومان گڈھي گئے ۔ ایودھیا کو میونسپل کارپوریشن کا درجہ دئے جانے کے بعد ان کے اس پہلے دورے کو مقامی باشندگان یادگار بنانا چاہتے ہیں۔ انہوں نے اودھ یونیورسٹی کے آڈیٹوریم میں پارٹی کارکنوں سے ملاقات کی۔ ترقیاتی کاموں کا جائزہ لیا۔لااینڈ آرڈر کاجائزہ لیا اور اس کے بعد آنجہانی پرم ھنس کے دگمبر اکھاڑا روانہ ہو گئے ۔ وہاں مسٹر یوگی دوپہر کا کھانا کھائیں گے ۔ وہ اکھاڑے میں تقریبا ایک گھنٹہ رکیں گے ۔ وہ شري رام جنم بھومی ٹرسٹ کے صدر نرتیہ گوپال داس کی یوم پیدائش میں شامل ہوں گے ۔وزیر اعلی یوگی وہاں پر پاسپورٹ محکمہ کے مقامی دفتر کا افتتاح بھی کریں گے ۔
