امریکا کا زیر تربیت 12 سعودی اہلکار ملک بدر کرنے کا فیصلہ

واشنگٹن: امریکا نے فلوریڈا میں ایک سعودی افسر کی جانب سے فائرنگ کے واقعے کے بعد انتہا پسندوں سے روابط اور چائلڈ پورنو گرافی کے الزام میں ایک درجن سعودی فوجی طالبعلموں کو ملک بدر کرنے کا فیصلہ کرلیا۔ڈان کی وہیب سائٹ نےفرانسیسی خبررساں ادارے اے ایف پی کی رپورٹ کے مطابق گزشتہ برس دسمبر میں امریکا کے سعودی فوجی تربیتی پروگرام میں شامل محمد الشامرانی نے نیول ایئر اسٹیشن پینساکولا میں فائرنگ کردی تھی جس کے نتیجے میں 3 نیوی اہلکار ہلاک اور 8 افراد زخمی ہوگئے تھے بعد میں حملہ آور بھی پولیس کی فائرنگ سے مارا گیا تھا۔

سی این این کی رپورٹ کے مطابق حملے کے بعد کی گئی تحقیقات میں یہ بات سامنے آئی تھی کہ ایک درجن سے زائد زیر تربیت اہکار محمد الشامرانی کی مدد کرنے کی ملوث نہیں لیکن کچھ افراد کے انتہا پسندوں تنظیموں سےروابط جبکہ کچھ افراد چائلڈ پورنوگرافی میں ملوث پائے گئے۔

مذکورہ تحقیقات فیڈرل بیورو آف انویسٹگیشن (ایف بی آئی) نے کیں جس میں یہ بات بھی سامنے آئی کہ حملے سے قبل کسی نے حملہ آور کے پریشان کن رویے کے بارے میں نہیں بتایا تھا۔

دسمبر کے وسط میں پینٹاگون نے کہا تھا کہ امریکا میں اس وقت زیرِ تربیت سعودی فوجی اہلکاروں کے پس منظر کا جائزہ لیا گیا اور ’فوری خطرے کی کوئی بات سامنے نہیں آئی‘۔

وزارت دفاع کے حکام نے حملے کے بعد سعوی عرب کے فوجی طالبعلموں کے لیے عملی تربیت روک دی تھی تاہم کمرہ جماعت میں پڑھانے کا عمل جاری تھا۔

حملہ کرنے والا 21 سالہ نوجوان سعودی رائل ایئرفورس میں لیفٹیننٹ تھا اور اس کے پاس قانونی طریقے سے خریدی گئی گلاک 9 ایم ایم ہینڈ گن موجود تھی۔