مودی ہر کسی کو دھمکی نہیں دے سکتے : راہل گاندھی

نئی دہلی، 8 جولائی (یو این آئي) کانگریس کے سینئر لیڈر راہل گاندھی نے بدھ کے روز وزیر اعظم نریندر مودی کے طرز عمل پر نکتہ چینی کرتے ہوئے کہا کہ وہ ہر کسی کو ڈرا دھمکا نہیں سکتے۔

مسٹر راہل گاندھی نے ایک ٹویٹ میں کہا کہ “مسٹر مودی پوری دنیا کے لوگوں کو اپنے جیسےسمجھتے ہیں، وہ سمجھتے ہیں کہ سب کو خریدا یا ڈرایا جاسکتا ہے”۔
کانگریس لیڈرنے کہا کہ “وہ کبھی بھی یہ نہیں سمجھ سکتے کہ سچ کی جنگ لڑنے والوں کو نہ تو خریدا جاسکتا ہے اور نہ ہی ڈرایا جاسکتا ہے”۔
خیال رہے کہ مسٹر راہل گاندھی کے اس ٹویٹ کو حکومت کے اس قدم سے جوڑ کر دیکھا جارہا ہے جس میں حکومت نے راجیو گاندھی فاؤنڈیشن اور دیگر اداروں کی جانچ کے لئے ایک اعلی سطح کی کمیٹی تشکیل دی ہے۔